Archive | Heb Ffiniau

Amdan y prosiect

Mae ‘Heb Ffiniau’ yn brosiect ymchwil a datblygu sy'n archwilio'r cysylltiad rhwng Iaith, Hunaniaeth a Thirwedd, a sut mae'r rhain yn siapio ein hymdeimlad o berthyn.

Rydym yn dod ag artistiaid a pherfformwyr proffesiynol ynghyd, ac unigolion sydd â diddordeb a phrofiad eang mewn gwaith symud, perfformio a’r celfyddydau fel modd i ddatgloi deialog greadigol, a darparu gofod creadigol ar-lein i rannu ac archwilio syniadau. Ein bwriad yw ymateb ar y cyd i'r themâu yn ogystal â’r daith bersonol i bob unigolyn fydd ynghlwm.

Croeso i ein tudalen galeri newydd!

Croeso mawr os ydych wedi dod o hyd i'n tudalen galeri newydd! Mae gennym lawer o newyddion cyffrous yn dilyn dathliad Heb Ffiniau, a diolch enfawr i bawb a ymunodd â ni! Nawr gallwch wylio pob un o'r tri fideo Heb Ffiniau ar un ddolen, gan gynnig cyfle i'r gwyliwr weld y gwaith rhyfeddol wrth iddo amlygu drwy’r broses ymchwil a datblygu.

Be mae iaith yn ei olygu i chi? 'Calon ac Awyr'

Croeso!

Rydyn ni'n gyffrous iawn heddiw i ddod â rhai o'r ymatebion unigol gan artistiaid oedd yn rhan o'r prosiect. Gofynnwyd tri chwestiwn yn ystod y prosiect, y cyntaf oedd 'Beth mae iaith yn ei olygu i chi?'

'Somewhere in the space between us there's a whisper of a dance big enough for all of us' - Wendy Ostler

Perthyn - Belonging soundtrack - trac sain

Ychydig o eiriau gan Sarah

Mae’r cysylltiad rhwng iaith, tirwedd a pherthyn yn rhywbeth yr wyf wedi bod yn myfyrio arno ers blynyddoedd a dweud y gwir, yn enwedig wrth dyfu i fyny yn nhirwedd garw Gogledd Cymru, a thyfu i fyny’n ddwyieithog, yn siarad Cymraeg a Saesneg. Lle teimlaf fy mod yn perthyn fwyaf yw pan fyddaf allan yn y mynyddoedd, y grug porffor sbringar, boncathod yn cylchu uwchben, y defaid yn pori ar y llethrau, nid un person i’w weld, bob tywydd, rwyf wrth fy modd â’r glaw. Roedd y chwareli llechi yn gefndir i fy mhlentyndod, mae gennyf atgofion o chwarae yn yr hen droliau rheilffordd a arferai gludo’r llechi, a’r pentyrrau porffor-las o wastraff llechi, sy’n tywynnu aur yn yr haul, yn teimlo’n gyfarwydd, ac yn teimlo fel adref.

Ond dyw adref a pherthyn ddim yn hafalu i'r un peth, allwn i ddim deall sut y gallwn i gael cysylltiad mor ddwfn â'r dirwedd, y dirwedd hon, ond hefyd yn aml yn teimlo nad oeddwn yn perthyn i'r lle hwn rwy'n ei alw yn adref. Yna roedd iaith, eto yn rhan enfawr o fy mhlentyndod, ges i fy magu yn siarad dwy iaith, sut y gall iaith fod yn gymaint o yriad positif a dod â phobl ynghyd, ond ar y llaw arall hefyd greu gwahanfa? Hunaniaeth, beth sy'n ein gwneud ni pwy ydyn ni? Pwy ydw i? Roedd yr holl feddylion hyn yn dod i'r wyneb o fy mhrofiadau i, ac roeddwn yn bendant yn ceisio gwneud rhywfaint o synnwyr ohonynt.

Daeth yn amlwg iawn bod angen mwy na fy llais i yn unig ar y prosiect, a bod y themâu yn bethau sydd mor berthnasol i ni i gyd, mae gan bob un ohonom brofiadau gwahanol sy'n ffurfio cymaint o wahanol bersbectifau pan fyddwn yn dechrau archwilio i'r rhyng-gysylltiad a'r effaith emosiynol, ac wrth gwrs ein straeon unigol, mae'n hynod ddiddorol. Yn y diwedd daeth grŵp anhygoel at ei gilydd ar gyfer y prosiect, ac mewn rhyw ffordd rwy'n meddwl ei fod wedi ein helpu ni i gyd dros gyfnod anodd y pandemig, trwy gysylltu â rhannu, ac efallai dim ond cael rhywbeth arall i ganolbwyntio arno a meddwl amdan. .

Roedd yn brosiect arbennig iawn mewn gwirionedd, ac ar lefel bersonol yn eithaf cathartig, yn gwrando ar bobl eraill, yn agor fy llygaid i edrych ar bethau mewn ffordd wahanol, ac yn y diwedd i ddarganfod bod pob un o'r themâu i fi yn fyrhoedlog, nad ydynt yn osodedig, ac maen nhw wastad yn newid, nid oes un ffordd i edrych ar ddim, mae hyn ynddo ei hun wedi bod yn rhyddhad rhyfeddol rywsut.

Yn gynnar yn y broses daeth Heb Ffiniau yn rhywbeth oedd â’i fywyd ei hun, ei egni ei hun, daeth yn endid ei hun mewn ffordd, gan gynrychioli gofod i ddod ynghyd, i siarad, i rannu, ac i greu, gofod heb ffiniau, ac yn perthyn i'r holl unigolion a oedd yn rhan o'r prosiect gwreiddiol, yn fy marn i mae'n dal i fod, fe wnaethon ni greu'r gofod hwn gyda'n gilydd. Ond fel gyda natur fyrhoedlog bywyd a chelf mae Heb Ffiniau bellach hefyd yn ofod i archwilio pethau newydd, syniadau newydd, a siwrnai greadigol newydd, a gobeithio lle rhannu gyda chynulleidfa ehangach o hyd.

Sarah Mumford

Artist Dawns